Национал школа хөгжүдер институт болгаш «Чаш назынның навигаторлары» деп федералдыг төлевилел боттандырар регионалдыг курлавыр төвүнүң удуртулгазы-биле «Үш үне» деп республика чергелиг этнокультурлуг диктант болуп эртерин дыңнадып тур бис.
Этнокультурлуг диктантыга ажылчын коллективтерни, сургуулдарны болгаш күзелдиг өөреникчилерни киржиринче чаладывыс.
«Үш үне» деп этнокультурлуг диктантыны эрттирер хуусаазы:
2023 чылдың октябрь 24-те 14:00 шак.
Эрттирер черлери: республиканың кожуун, суурлар аайы-биле тус черлерниң өөредилге черлери, ном саңнары, чөпшээрел берген шөлдер.
Этнокультурлуг диктантыны тыва дыл хүнүнге тураскаадып тыва дылды, үндезин культураны болгаш езу-чаңчылдарны кадагалап арттырар дээн сорулгалыг эрттирип турар.
«Үш үне» деп диктантының киржикчилерин болгаш тиилекчилерин Хүндүлел бижиктери манап турар. Тиилекчилерни ноябрь 1-де – Тыва дыл хүнүнде чонга таныштырар.
Диктантыга дидим болгаш идепкейлиг киржириңерни кыйгырдывыс!
Диктантыны дараазында дүрүм езугаар чорудар.
Положение об этнокультурном диктанте «Үш үне» (Три ценности)