Апрель 8, 9, 10-нуң хүннеринде республиканың аңгы-аңгы кожуунарының уруглар садтарында ажылдап чоруур тыва дыл башкыларынга, кижизидикчи башкыларга “Тыва дыл – уруглар садтарында: чаш уругну өөредилге чорудуунче киирип алырынга эптиг байдалдарны тургузары” деп аттыг профессионал билиг бедидер курстар бодунуң ажылын эгелээн.
Бөгүн “Уругларның сайзыралынга болгаш кижизидилгезинге чечен чогаалдың салдары”, “Мөзү-шынар кижизидилгезиниң чижек программазының таныштырылгазы” деп темалыг лекциялар эртер.
Курстарны Кызыл хоорайның 22 дугаарлыг “Солнышко” аттыг уруглар садының баазазында эрттирип турарын демдеглеп каалы.
