Бо чылын, октябрьның 27-ниң хүнүнде болуп эрткен, конференцияга дөрт секция ажылдаан: «Тыва дыл болгаш ооң башкылаашкынының чугула айтырыглары», «Тыва чогаал болгаш ооң башкылаашкынының чугула айтырыглары», «Тыва дыл чогаал кичээлдеринге электроннуг өөредилге курлавырларын ажыглаары», «Эге школага тыва дыл болгаш литературлуг номчулганы башкылаарының айтырыглары».
НШХИ эртем ажылдакчылары болгаш методистери боттарының ажылының үре-түңнелин көргүзүп, аңгы-аңгы секцияларга дыңнадыгларын кылганнар: пленарлыг хуралга Норбу Э.О., «Тыва литератураны амгы үеде өөредириниң туружунче көрүш», секция ажылдарынга Бавуу-Сюрюн М.В., «Концепция преподования тувинского языка и литературы», Куулар Е.М., «Өөредилгениң федералдыг күрүне стандарттарында чаартылгалар», Монгуш В.В., «Төрээн (тыва) дылын билбес уругларга тыва дылды өөредириниң айтырыглары», Салчак А.К., «Кадыының аайы-биле кызыгаарлыг уругларга орфографияны өөредириниң онзагайлары», Херел А.Х., ф.э.к., «С.Сарыг-оолдуң «Шончалай» деп чечен чугаазынга класстан дашкаар номчулга кичээлин чорудары», Монгуш А.А., «Школа назыны четпээн уругларның өөредилге албан черлеринге ада-иелер-биле ажылдаар чамдык аргалар», Хомушку Ч.О., «Электроннуг өөредилге ресурстары: негелделери болгаш ажыглалы».
Конференцияга республикадан келген башкылар боттарының арга-дуржулгалары-биле үлежип, чаа-чаа чүүлдерни билип алганнар.
