Илеткелчилер үениң негелделеринге дүүштүр шиитпирлээр ужурлуг чидиг айтырыгларны демдеглеп көдүрген. Тыва ниитилелдиң бурунгаар көрүштүг төлээлери илеткел бүрүзүн шупту талазындан анализтээш, саналдарын киирип идепкейлиг ажылдаан. Чижээлээрге, ТГШИ-ниң эртем ажылдакчызы О.М. Сааяның илеткелинде хоойлужудулга талазы-биле шиитпирлээр ужурлуг айтырыгларны ол-ла шөлчүгешке Тыва Республиканың Дээди Хуралының депутады А.К. Монгуштуң киржилгези-биле шиитпирлеттинип турганы онзагай болган. Ажылдың түңнелдерин киржикчилер сүмележип тускайлааш, шуулганның шиитпиринче киирер деп бадылаан.