Хүндүлүг чонувус! Силерни Тыва дыл хүнүнге тураскааткан орус болгаш делегей поэзиязындан тыва дылче очулдурган шүлүктерниң уран номчулга дизиинге киржиринче чалап тур бис.
Уран номчулга дизии октябрьның 25-ке чедир болур. Түңнелдерин ноябрь айда үндүрер.
Киржикчилерге:
– Национал школа хөгжүдер институттуң ВК-да бөлүүнче кирип алыр (https://vk.com/irnsh).
– Бистиң бижилгевисти бодуңар арныңарже салыр силер.
– Уран номчулга дизииниң үезинде бодуңарның арныңарны ажык арттырар силер.
Чүнү кылыр бис:
– Орус болгаш делегей поэзиязындан тыва дылче очулдурган шүлүктерни шилип тывар.
– Вконтакте социал четкизинге (бодуңарның хууда арныңарга азы албан чериниң арнынга) силерге таарышкан шүлүктүң уран номчулгазын бижиткен видеороликти #очулга деп хештег-биле салыр.
Эң-не хөй лайк/(көрүлде-демдек) алган 10 видеоролик финалче үнер. Социал четкиниң арнын көрүп кирген кижилер октябрь 31-ге чедир тиилекчини болгаш 2-ги, 3-кү черлерге төлептиглерни тодарадыр. Тиилекчиге көрүкчүлерниң шаңналын тыпсыр.
Уран номчулга дизиинге күзелдиг кижи бүрүзү назы-хар барымдаалавайн киржип болур.
Уран номчулга дизиинге силерниң киржириңерни өөрүшкү-биле манаар бис!
Шаңналдыг черлерже октябрьның 25-ге чедир чоруткан видеороликтер кирер.
Мөөрейни Национал школа хөгжүдер институттуң ажылдакчылары эгелеп тур.
#очулга
