Республиканың аргарлыг-школа интернадының базазында Тыва Республиканың өөредилге яамызының “Национал школа хөгжүдер институдунуң” боттандырып турар “Проект-21” деп төлевилелде киржип турар школаларда “Математика”, “Хүүрээлел” деп эртемнерни тыва дылда өөренип турар өөреникчилерниң аразында олимпиаданың ажыдыышкыны эрткен.
“Проект-21” деп төлевилелде республиканың школаларының аразындан 21 школадан 22 класс киржип турар. Оларның аразындан олимпиадага 15 школаның өөреникчилери киржип келген. Ниитизи-биле 64 кижи. Киржикчилерниң аразында ыраак Тере-Хөлдүң, Мөңгүн-Тайганың өөреникчилери база бар.
Өөреникчилерге чедиишкиннерни күзедивис!
