БАШКЫ БОЛГАШ ДАГДЫНЫКЧЫНЫҢ чылынга уткуштур республиканың аңгы-аңгы кожууннарындан «Төрээн дыл ооң иштинде орус дыл, башкыларының бүгү Россия чергелиг мастер-клазы – 2023» деп мөөрейге ниитизи-биле 23 тыва дыл, чогаал болгаш орус дыл, чогаал башкылаоры киришкен. Оларның аразындан 13 тыва дыл, чогаал башкызы боттарының бедик мергежилдиг чогаадыкчы ажылы-биле жюри кежигүннерин таныштырган.
Хоочун-даа, аныяк-даа башкылар бирги хүнде бодунуң өөредилге адырында ажылдап келген арга-дуржулгазын башкы эш-өөрүнге болгаш шииткекчилерге «Мээң национал хевим», «Өөредилге-методиктиг ажылдарның делгелгези» деп үш аңгы угланыышкынныг таныштырган.
