«Чылдың башкызы»;«Чылдың аныяк башкызы»;«Чылдың кижизидикчи башкызы»;«Төрээн дылдар башкыларының Россия чергелиг мастер-клазы»;«Психолог башкы»;«Чылдың директору»;«Чылдың тергиин эр башкызы – лидер болгаш дагдыныкчы»;«Кижиниң кижизидикчизи»;«Чылдың мастери».
Тывага «Чылдың башкызы» мөөрейни 1990 чылдан сайзырадып эгелээн. Россия мөөрейинге регионнуң башкылары бедик профессионал мергежилин болгаш чогаадыкчы чаяанын чаңгыс эвес удаа бадыткааннар.
2022 чылда Россияга республиканың адындан төлептии-биле чедиишкинниг киришкен башкылар:
Кызылдың 8 дугаар школазының психолог башкызы Наваждай Айдаш Владимирович, «Россияның психолог башкызы – 2022» профессионал мергежил мөөрейиниң 3-кү чергениң шаңналының эдилекчизи;Тыва дыл болгаш чогаал башкызы Даржай Алдынай Владимировна Россияның төрээн дылдар башкыларының мастер-клазының «Чаартыкчы башкы» номинациязынга I-ги черге төлептиг болган.
2021 чылдың чедиишкиннерин база катап сактып көрээлиңер:«Чашкы үениң чурту» 15 дугаар уруглар садының логопед башкызы Петрова Светлана Владимировна XII-ги Россия чергелиг «Россияның кижизидикчи башкызы – 2021» профессионал мергежил мөөрейинге чурттуң 5 тергиин кижизидикчи башкыларының санынче кирген.Черби школазының орус дыл болгаш чогаал башкызы Сандый Шенне Викторовна Россия чергелиг төрээн дылдар башкыларының мастер-клазынга «Чаартыкчы башкы» тускай номинацияга тиилээн.
2023 чылдың күзүн Россия чергелиг «Чылдың башкызы» профессионал мергежил мөөрейинге дагдыныкчы башкылар аразынга «Башкыга сөс» деп чаа мөөрейни, регионнуң иштинге «Аныяк башкы» мөөрейинге «Парлалга конференциязы» деп немелдени киирер.
Профессионал мережил мөөрейиниң тиилекчилери республиканың Өөредилге яамызының хөй-ниити чөвүлекчилери база келир чылдың киржикчилериниң дагдыныкчылары болур.
Күзелдиг башкылар боттарының мергежилин бадыткаар дээш белеткенип турар. Россияда Башкының болгаш дагдыныкчының чылында тииллелге чедип алыры кижи бүрүзүнге улуг чедиишкин болур.
Мөөрейниң киржикчилеринге чедиишкиннерни күзедивис!