Шыдыраа дээрге чүгле угаан оюну эвес, ол школа назыны четпээн уругларның мээ-медерелин сайзырадырының дээштиг чепсээ-дир. Шыдырааны уруглар садтарының немелде өөредилгезиниң ажыл-чорудулгазынче киирери уругларның логиктиг болгаш стратегтиг боданыышкынын, кичээнгейин, чүве сактып алырын, кызымак болгаш бот-тускайлаң чоруун сайзырадырынга дузалаар. Шыдыраа оюну уругларны шын шиитпир хүлээп алырынга, команда кылдыр ажылдаарынга база удурланыкчызын хүндүлеп билиринге, аштырыышкынга таварышкаш, муңгаравайн, ону шын кылдыр хүлээп алырынга, шыдамык чорукка чаңчыктырар.
Мөөрейниң тиилекчилериниң номинантыларынга Өөредилге яамызының эртем албан черлериниң удуртукчулары б.э.д. Сергей Ондар, т.э.к. Оттук Иргит болгаш ф.э.к. Елена Куулар тус-тузунда белектерин тутсуп, чедиишкиннерни күзээн.