Чылдың-на 9, 11 класстарның өөреникчилери төрээн школазы-биле байырлажып чоруурунуң мурнунда өөредилгезиниң түңнели болур чаңгыс аай күрүне шылгалдарарын дужаап турар болгай. 2025-2026 өөредилге чылында 9-ку класстың доозукчулары ортумак ниити өөредилге чадазын доозуп тура, орус дыл болгаш сан эртемнеринге албан дужаар шылгалдаларын эрткен. Ол ышкаш тыва дыл эртемин шилип алган 1400 доозукчу июньнуң 19-та шылгалданы тудуп эрткеннер. Эрткен 3 өөредилге чылдарының сан-чурагайы-биле деңнээрге, 2023 чылда – 1485 өөреникчи, 2024 чылда – 1442 кижи, 2025 чылда 1496 доозукчу тыва дылды шилип алгаш, шылгалданы чедиишкинниг дужааган. Тыва дылга уругларның сонуургалы бар-дыр деп чүвени үстүнде сан-чурагайлар бадыткап турар.
Баштайгы түңнелдер-биле алырга, шылгалданың 3 кезээн – эдертиг, грамматиктиг онаалгаларлыг тест, чогаадыгны – уруглар чаңгыс-даа «багай» демдек чок кылдыр дужааган.
Төрээн тыва дылыңарга ынак болуп, ону кадагалап арттырар сорулга-биле өг-бүлеңерге, бичии дуңмаларыңар-биле, эштериңер-биле доктаамал тыва дылга чугаалажып туруңар, уруглар!