Национал школа хөгжүдер институттуң ажылдакчылары хоорай шинчилиг Каа-Хем суурнуң “Звездочка” уруглар садынга “Тыва дылды утпаал, өңнүк!”деп ажык кичээлге киришкеннер. Ажык кичээл садиктиң тыва дыл башкызы Ондар Светлана Допчаевнаның удуртулгазы-биле болуп турар. Садиктиң уруглары, башкылары болгаш ада-иелер ажык кичээлге идепкейлиг киришкеннер.
Школага белеткел бөлүүнүң уруглары болгаш кижизидикчи башкылар тыва дылга тураскааткан шүлүктерни бараалгатканнар.
Ажык кичээлге аалдап келген ада-иелерге болгаш башкыларга Национал школа хөгжүдер институттуң улуг методизи Хомушку Анчы болгаш биче эртем ажылдакчызы Хомушку Чочагай өг-бүлеге, бажыңга уругларынга төрээн дылын өөредип алырының аргаларын, төрээн дылының үнезин болгаш амыдыралга ажыктыын сонуургадып кичээлге киришкеннер.
Ада-иелер, башкылар төрээн дылынга хамаарыштыр айтырыгларны салып, чугаалажып, кичээл үре түңнелдиг болуп эрткен.