Өөредилге адырында Эчис сорулгаларның күүселдези бо удаада эге школа башкыларынга методиктиг дуза чедирер сорулгалыг уламчылап турар. Тываның өөредилге яамызының Национал школа хөгжүдер институду республиканың эге школа башкыларынга «Эге школага өөредилгениң этонокульткультурлуг контендин өөредириниң шын айтырыглары» деп билиг бедидер курстарын эгелээн.
Институттуң директору Елена Куулар «Өөредилгениң федералдыг күрүне стандардының чаартынган этнокультурлуг эге ниити өөредилгезиниң контентизи» деп тема-биле таныштырган. Методист Регина Монгуш «Өөредилге черинге ажыглаар этнокультурлуг технологиялар болгаш ажыглаар байдалдар. Этнокультурлуг өөредилгениң классификациязы» деп докладты кылган. Совет Эвилелиниң маадыры Ч.Н.Хомушку аттыг 16 дугаар лицейниң психолог-башкызы Азиата Долзатмаа «Ажыл-агыйга бодун ажаап-карактаары» деп психологтуг өөредилгени эрттирген. Курстарга оон-даа өске солун темаларның таныштырылгазы эрткен.