Тыва дыл хүнүнге тураскааткан «Үш үне» деп этнокультурлуг диктант 2025 чылдың октябрь 23-те онлайн-платформага болуп эртерин дыңнадып тур бис
Ссылка https://onlinetestpad.com/lkykedlbwsrcc
Этнокультурлуг диктантының сорулгалары:
– тыва дыл, чер, чон дугайында сонуургалды оттуруп, күштелдирери;
– чоннуң тыва дыл, чер, чон дугайында билиглерниң тодарадыры;
– төрээн дылынга хумагалыг болурунче чоннуң кичээнгейин угландырары.
Диктантының айтырыглары тыва дыл, чон, чурт деп айтырыгларга тураскааткан.
Этнокультурлуг диктантыга 12 хардан өрү назылыг улус киржип болур. Киржикчи тест хевирлиг диктантыны 40 минута дургузунда эрткен турар ужурлуг. Диктантыны эрткен түңнелинде киржикчиниң харыылаан баллын көргүзүп турар сертификат көстүп келир, ук сертификатты киржикчи чүгле боду (телефонунче, компьютеринче) кииртип, шыгжап алыр аргалыг болур.
Диктантыны кылып эгелээрде, киржикчи бүрүткелге долу адын, хар-назынын болгаш чурттап, өөренип турар черин шын бижип алыры чугула. Бүрүткелге айыткан медээлер киржикчиниң сертификадынга көстүп келир.
Диктант октябрьның 23-те 09 шактан 23 шакка чедир болур! Ооң соонда ссылка хагдына бээр.
Этнокультурлыг диктантыга эки киржириңерни күзедивис!