Улуг-Хем кожууннуң Шагаан-Арыгның 2 дугаар ортумак школазының тыва дыл болгаш чогаал башкызы чораан Мерген Федорович Бавуунуң чырык адынга тураскааткан республика чергелиг II эртем-практиктиг конференция бөгүн болуп эртип турар. Хемчегни М.Ф. Бавуунуң өг-бүлези, төрелдери база Шагаан-Арыгның 2 дугаар школазының коллективи мөөңнешкеш, демнежип эрттирип турарлар.
Конференция ийи аңгы угланыышкынныг ажылдаан: өөреникчилерниң ажылдары база башкыларның ажылдары. Ниитизи-биле 9 аңгы секцияга солун болгаш ажыктыг ажылдарны үнелеп үндүрген. Ук конференцияга Национал школа хөгжүдер институттуң улуг методистери Альбина Монгуш база Регина Монгуш өөреникчилерниң болгаш башкыларның ажылдарын дыңнап көргеш, түңнээр ажылга киришкеннер.