Январь 31-де Шагаан-Арыгда тудуг техникумунга Эртем хүнүнге уткуштур “Тыва черим, тыва чонум, тыва дылым — ожуумнуң үш дажы” деп, Тываның Улустуң чогаалчызы А. Даржайның “Оглунга чагыын” оорга кылып алгаш, ук өөредилге чериниң сургуулдарынга чугааны НШХИ-ниң ажылдакчызы Айлаңмаа Даржаа эрттирген.
Төрээн (тыва) черин канчаар хумагалаарыл? Ада-чурттуң камгалакчызы деп кымны ынча дээрил деп чугааны чорудуп тура, бирги черде Ада-чуртунуң айыыл чок чоруун камгалап турарларны, а оон чуртунун экономиказы, чырыдыышкыны дээш ак сеткилдиг ажылдап чоруурларны хамаарыштырар апаар дээрзин маңаа чугаалашкан. Ук өөредилге черинде келир үениң тудугжуларын белеткеп турар болганда, бо мергежилдиң ишчилериниң ажылының ужур-дузазын аажок улуг дээрзин чижектерге чугаалаан. Тыва чери, тыва чону, тыва дылы деп үш билиишкин дыка делгем болуп турарын хемчегниң киржикчилери түңнээн.