Төрээн (тыва) дылын кайы хире билириниң деңнелин тодарадыр сорулга-биле март 10-11 хүннеринде Тес-Хем кожууннуң Самагалдай суурнуң «Челээш» аттыг уруглар сады болгаш дугаары 2 школаже, Эрзин кожууннуң Эрзин суурда «Сайзанак» уруглар сады база С. Чакар аттыг школаже үнүүшкүннер үргүлчүлеп турар

Национал школа хөгжүдер институттан Монгуш Чойгана, Альбина Монгуш, Чочагай Хомушку, Азияна Саая база Аянмаа Салчак уруглар-биле чугаалажыр аргалыг болганнар. Ук кожууннарда тыва дылдың ажыглалының байдалы эки деп түңнелге келгеннер.
Дараазында Чөөн-Хемчик, Сүт-Хөл кожууннарже үнер деп планнап турар.