«Төрээн дылдың болгаш төрээн чогаалдың тергиин башкызы – 2026» деп республика чергелиг мөөрейниң түңнелдери чарлаттынган.
Тыва дыл башкылары болгаш уруглар садтарында кижизидикчи башкылар (тыва дыл башкылары) чаштарывыска төрээн дылын, сүлде-сүзүүнүң үнелиг чүүлдерин дамчыдар чаңчылдарның кол камгалакчылары болур.
Школа башкыларының аразындан шылгарап үнгеннер:
1-ги черде – Ооржак Чодураа Станиславовна, Кызылдың 4 дугаар школазының эге класстар башкызы;
2-ги черде – Чоодунай Виктория Викторовна, «Тоора-Хем суурнуң Л.Б. Чадамба аттыг школазының» эге класстар башкызы;
3-кү черде – Ховалыг Чодураа Хүлеровна, «Сарыг-Септиң 2 дугаар С.К. Тока аттыг школазының» тыва дыл болгаш чогаал башкызы;
«Ч-Д.Б. Ондар аттыг Кызыл-Тайга школазының» эге класстар башкызы Моңгуш Чимис Геннадьевна «Профэвилелдиң шаңналынга» төлептиг болган.
Тыва Республиканың Дээди Хуралының шаңналынга Суш ортумак школазының тыва дыл, чогаал башкызы Дапыян Оксана Олеговна төлептиг болган.
«Школа назыны четпээн уругларның төрээн дылын сайзырадыр тергиин башкызы-2026» деп номинацияга төлептиг болган башкылар:
1-ги черде – Эренчин Аянмаа Юрьевна, Тес-Хем кожууннуң Самагалдай суурунуң «Аян» уруглар садының тыва дыл башкызы.
2-ги черде – Достай Белек Бөрзек-ооловна, Мөңгүн-Тайга кожууннуң Мугур-Аксы суурунуң «Хамнаарак» уруглар садының кижизидикчи башкызы
3-кү черде Бадыжик Елена Михайловна, Чеди-Хөл кожууннуң Хову-Аксы суурунуң «Дюймовочка» уруглар садының кижизидикчи башкызы.
Номинацияларга төлептиг болган башкылар:
Тыва Республиканың Дээди Хуралының шаңналын Кызыл хоорайның дугаары 17 «Салгал» уруглар садының кижизидикчи башкызы Моңгуш Инна Ивановна чаалап алган.
Өвүр кожууннуң «Солчур ортумак школазынын муниципалдыг бюджеттиг өөредилге албан чериниң школа назыны четпээн уруглар салбырының башкызы Моңгуш Айлаана Дыртык-ооловна “Профэвилелдиң шаңналынга” төлептиг болган.
Чаш салгалывыска төрээн дылын, чонунуң төөгүзүн дамчыдып, культуразынга ынакшылды оттуруп чоруур тиилекчи башкыларывыска чоргаарланмас арга чок.
Шылгарап үнген башкыларывска изиг байыр чедирип, бүгү Россия чергелиг мөөрейге чедиишкинниг киржирин күзедивис!