Национал школа хөгжүдер институттуң директору Куулар Елена биле Тыва филология лабораториязының улуг методизи Салчак Аянмаа 2026 чылдың октябрь 13-14-те болур «Тергиин тыва дыл башкызы» деп республика чергелиг мөөрейге хамаарышкан белеткел-тайылбырлыг семинарны эрттирген. Аңаа ук мөөрейниң кожуун чергелиг чадаларынга тиилекчилер болгаш кожуунда өөредилге талазы-биле төлээлери онлайн хевирге киришкен.
Семинарга Куулар Елена мөөрейниң чадаларын эртер чуруму езугаар таныштырган. Салчак Аянмаа мөөрейниң республика чергелиг чадазынга канчаар белеткенириниң дугайында сүмелерни берген.
Киржикчи бүрүзү бодунуң кожуунун төлээлеп турар болганда, республика чергелиг мөөрейге чер-чуртунуң онзагайларын, мурнакчы арга-дуржулгазын база көргүзүп ажыглаар болза эки деп санап турар. Чижээлээрге, бодунуң кожуунунда кайы-бир чогаалчызының чогаалдарындан сөзүглелдерни мергежилгелер, онаалгалар кылдыр азы бойдустуң чараш чурумалдыг черлериниң чуруун ажыглап болур.
Материалды белеткээн: Салчак А.К.
#ИРНШ #НШХИ #ЛТФ #тергиинтывадылбашкызы #тувинскийязык
