Республиканың медицина колледжинде тыва дыл кичээли

Тыва дыл хүнүнге тураскаадып Республиканың медицина колледжинге тыва дыл кичээли болган. Келир үениң эмчилеринге тыва дылдың төөгүзү болгаш делегейде өске дылдардан тыва дылдың онзагай талаларынче кичээнгейни салып, «Сөстер делегейинче аян-чорук» деп илеткелди филология эртемнериниң кандидады, Национал школа хөгжүдер институттуң директору Елена Куулар кылган.

Кижиниң мага-боду, ооң кезектеринге хамаарышкан сөстерни Институттуң тыва филология лабораториязының биче эртем ажылдакчызы Хомушку Чочагай тыва улустуң аас чогаалы-биле холбап тайылбырлаан. Ужуражылга солун, хөглүг байдалга эрткен.