Национал школа хөгжүдер институт декабрь 3 – инвалидтер хүнүнге тураскааткан кадыының байдалында кызыгаарлыг уруглар-биле ажылдап турар тыва дыл, чогаал болгаш класс башкыларының аразынга республика чергелиг «Мээң тускай өөреникчим» деп тыва дылга эсселер мөөрейин чарлаан.
Мөөрейниң сорулгазы кадыының байдалында кызыгаарлыг уруглар-биле ажылдап турар башкыларның ажылын чырыдып таныштырары, деткиири болгаш бо угланыышкында ажылды сайзырадыры. Негелде ёзугаар мөөрейниң киржикчилери онзагай уруглар-биле бодунуң ажылын эссе хевиринге таныштырып тура, ажылының түңнелдерин кандыг арга-дуржулганы ажыглап тургаш чедип алганын илередип бижиир ужурлуг турган.
Мөөрейге ниитизи-биле 56 ажыл келген. Оларның иштинден 12 ажыл шыырак деп демдеглеттинген. Ол дээрге Ажы Роза Кара-ооловна, Айыы Чойгаана Анатольевна, Доспан Ольга Кара-ооловна, Кужугет Хемчик-оол Мөңгүн-оолович, Натпит-оол Надежда Борисовна, Саая Борбак-оол Долаштайович, Саая Галина Кодуповна, Тулуш Радка Монгеевна, Хомушку Салзынмаа Климовна, Хомушку Чаймаа Климовна, Дагбыш Татьяна Элдик-ооловна, Хуурак Галина Бавууевнаның ажылдары болган.
Шаңналдыг черлер алган киржикчилерге Национал школа хөгжүдер интитуттуң дипломнарын тыпсыр.
1-ги черде: Кужугет Хемчик-оол Мөңгүн-оолович,
Натпит-оол Надежда Борисовна,
Саая Галина Кодуповна;
2-ги черде:
Ажыы Роза Кара-ооловна,
Айыы Чойгаана Анатольевна,
Саая Борбак-оол Долаштайович,
Дагбыш Татьяна Элдик-ооловна;
3-кү черде –
Доспан Ольга Кара-ооловна,
Тулуш Радка Монгеевна.
«Тиилелгеже чүткүл» деп номинацияга Хомушку Салзынмаа Климовна, Хомушку Чаймаа Климовна, Хуурак Галина Бавууевнаның ажылдары төлептиг болган.
Арткан киржикчилер сертификаттар алыр.
«Башкы» сеткүүлүнге эки болган ажылдарны парладыр.
список участников конкурса Эссе
Адрезивис: Кызыл хоорай, Рабочая кудумчузу бажың № 2, Харылзажыр дугаары: 6- 44-23
#ншхи #Тыва #өөредилгеяамызы #мөөрей
Чурукту интернеттен алган.