Чидиг-чидиг демиселдиң түӊнелинде Каа-Хем кожууннуң Сарыг-Септиң дугаары 2 школазының командазы тиилекчи болуп, дамчып чоруур кубокту алгаш, келир чылын «Тыва улустуӊ оюннары» деп маргылдааны эрттирер эргени чаалап алган.
Ийиги черге Улуг-Хемниң Шагаан-Арыгның 2 дугаар школазының, үшкү черге Кызылдың 9 дугаар гимназиязының өөреникчилери тус-тузунда төлептиг болганнар.
Чылдан чылче өөреникчилерниӊ тыва оюннарга сонуургалы улгадып, национал оюннар ойнаарынга мергежип турарын демдеглевес арга чок. Мөөрейниң шииткекчилери – эрткен чылгы тиилекчилер, Өвүр кожууннуң Солчур ортумак школазының башкылары болгаш өөреникчилери, шыырак белеткелдиин көргүскеннер.