Тургузукчу күш-ажыл болгаш өг-бүле ыдыктарының чылынга тураскаадып Кызылдың 9 дугаар гимназиязының улусчу педагогика төвүнүң башкылары доозукчу класстарга мөзү-бүдүш кижизидилгези-биле холбашкан ажык чугааны өг-класска эрттирген. Национал школа хөгжүдер институттуң ажылдакчызы Азиана Саая аалдап четкен.
Ук школаның немелде өөредилге төвүнүң башкылары “Өг – тыва болгаш өске-даа чоннарның чурттаар оран-савазы”, “Өгге сагыыр чаңчылдар”, “Өгнүң эдилелдери”, “Тыва хеп, ооң онзагайы”, “Чеди чүзүн малывыс”, “Тыва оюннар” деп темаларның уруглар кижизидилгезинге ажык дузалыын чырыдып, мастер-класстарны көргүскен. Келген уруглар улуг сонуургал-биле тыва оюннарны ойнап, солун айтырыгларны идепкейлии-биле харыылааннар. Ажык чугаа үезинде билип алган чүүлдери уругларның келир үезинде ажык-дузалыг болур.