Кызыл-Чыраага чылдың-на май эгезинде теве кыргыыр чарыш маргылдаа болуп турар. Аңаа Баян-Кол сумузунуң чурттакчылары кудумчулар аайы-биле аңгы-аңгы командалар тургузуп алгаш киржип кээр. Кызыл-Чырааның тевечилеринге (лит. тевежилеринге) Национал школа хөгжүдер институттуң ажылдакчылары аалдап барганнар.
Бо чылгы теве кыргылдазы фестиваль хевирге эрткен. Аңаа Улуг-Хемниң Эъжимден база тевежилер келген. Теверлерни чурум езугаар чылда чаңгыс катап, чазын кыргыыр. Дуржулгалыг 6 шыырак эр бир тевени туткаш, ужурар. Ортумаа-биле бир теведен-не 7 килограмм дүк алыр.
Национал школа хөгжүдер институт тыва улустуң чаңчылчаан амыдыралында тевени азыраарының дугайында медээлерни дуржулгалыг тевечилерден чыып, чугаалашканнар.