Институттуң директору, ф.э.к., доцент Е.М. Куулар аалчыларга коллективтиң ажылының угланыышкынын таныштырган соонда, Тыва филология лабораториязының ажылдакчылары уругларның төрээн дылында билиин оюн хевиринге хынап, нарын сөстерни самбырага бижидип, шын бижилгениң дүрүмнерин тайылбырлаан.
Дараазында аалчыларның кичээнгейин «Чеди-Хаанның изи-биле» деп угаан-медерел сайзырадыр викторина хаара туткан. Тыва ёзу-чаңчылдарга, дыл, чогаал, төөгү эртемнеринге хамаарышкан айтырыгларга Кызылдың 2, 19 дугаар школаларының, 9 дугаар гимназиязының өөреникчилери идепкейлиг харыылаан. Эң-не көвей шын харыыларны Сульдум Салгал берген. Ол Сүт-Хөлдүң Алдан-Маадыр суурда чурттап турар кырган ада-иезинче доктаамал барып турар. Ынчангаш тыва ёзу-чаңчылдарны, көдээниң амыдыралын эки билир болган.
Методист Азияна Саая кажык-биле оюннарга мастер-классты көргүзүп, мөөрейни эрттирген.
Хемчегге ниитизи-биле 54 өөреникчилер болгаш башкылар киришкен. Институттуң ажылдакчылары чогаадып кылганы «Күдерек» деп тыва аян-хөөннүг стикерлерин аалчыларынга белек кылдыр сөңнеп, оларның телефоннарынче киирип берген.
Институттуң директору, ф.э.к., доцент Е.М. Куулар аалчыларга коллективтиң ажылының угланыышкынын таныштырган соонда, Тыва филология лабораториязының ажылдакчылары уругларның төрээн дылында билиин оюн хевиринге хынап, нарын сөстерни самбырага бижидип, шын бижилгениң дүрүмнерин тайылбырлаан.
Дараазында аалчыларның кичээнгейин «Чеди-Хаанның изи-биле» деп угаан-медерел сайзырадыр викторина хаара туткан. Тыва ёзу-чаңчылдарга, дыл, чогаал, төөгү эртемнеринге хамаарышкан айтырыгларга Кызылдың 2, 19 дугаар школаларының, 9 дугаар гимназиязының өөреникчилери идепкейлиг харыылаан. Эң-не көвей шын харыыларны Сульдум Салгал берген. Ол Сүт-Хөлдүң Алдан-Маадыр суурда чурттап турар кырган ада-иезинче доктаамал барып турар. Ынчангаш тыва ёзу-чаңчылдарны, көдээниң амыдыралын эки билир болган.
Методист Азияна Саая кажык-биле оюннарга мастер-классты көргүзүп, мөөрейни эрттирген.
Хемчегге ниитизи-биле 54 өөреникчилер болгаш башкылар киришкен. Институттуң ажылдакчылары чогаадып кылганы «Күдерек» деп тыва аян-хөөннүг стикерлерин аалчыларынга белек кылдыр сөңнеп, оларның телефоннарынче киирип берген.