Амыдыралывыста эң-не эргим, чаптанчыг, чараш кижилеривис – бичии чаштар, ажы-төлүвүс. Олар – бистиң чуртувустуң келир үези. Тыва национал школа хөгжүдер институттуң ажылдакчылары Национал музейниң чанында өгге ада-иелери-биле аалдап келген чаштарга тыва улустуң оюннарын ойнатканнар. Уруглар ада-иелери-биле чижип, кажыктың аът чарыштырар хевирин идепкейлиг ойнааннар.
Сөөлгү үеде ажы-төлдүң, ада-иелерниң-даа тыва оюннарга сонуургалы оттуп турары өөрүнчүг. Чүгле тыва уруглар эвес, а орус омактыг адашкылар база кажыктың аът чарыштырар хевирин сонуургап ойнааннар. “Өгге кирген кижи аяк эрии ызырар” дээр болгай, ажылдакчылар өгнүң улуг-биче аалчыларынга чигирзиг белектерни сөңнээн. Хемчегге ниитизи-биле 37 уруглар, оолдар кээп киришкен. База бир демдеглексенчиг чүүл чүл дизе Улусчу фронтунуң (Народный фронт) аныяк активчилери кажык оюнун улуг сонуургал-биле ойнап, идепкейин көргүскен.
Өзүп олурар салгалдарывыска чараш байырлалы таварыштыр аас-кежикти, чедиишкинниг өөредилгени база күзелдери кезээ шагда бүдүп чоруурун күзедивис!