Кайгамчык чараш болгаш хуулгаазын байырлал – үнүп орар Чаа чыл таварыштыр Национал школа хөгжүдер институттуң коллективиниң өмүнээзинден чоорган болган чонувуска чылыг-чымчак байырны чедирбишаан, эң-не чаагай йөрээлдерни сөңнеп тур бис!
Удавас моорлап келир Чылан чылында оран-делегейге амыр-тайбың, эп-найырал делгереп, аас-кежик доктаар-ла болзунам! Төрээн чонувустуң азыраан мал-маганы ажыг кышты хүр-менди ажар болзун! Ыдыктыг Тыва черивисти ээлеп чурттаан өг-бүле бүрүзүнүң аал-оранынга арыг-шынчы ынакшыл болгаш өөрүшкү-маңнай доктаап турзун! Тыва чонувустуң сеткил-хөңнү арыг-чаагай, омак-хөглүг, хей-аъды, сүлде-сүзүү бедик, бодап алган бодалдары боттанып, чырык күзелдери бүдер болзун деп йөрээп тур бис! База катап Чаа чыл байырлалы-биле, эргим чаңгыс чер-чурттугларывыс!