Республиканың тергиин 16 башкыларындан 1-ги турнуң түңнелдери-биле 8 башкы эртип келген. Дараазында турже шилчээн башкылар «Класс шагы» деп мөөрей шылгалдазынга өөреникчилерге тыва чоннуң культурлуг онзагайларын таныштырып, сонуургаткан. Класс шактары тус-тузунда кончуг шыырак деңнелге эрткенин, башкы бүрүзүнүң чогаадыкчы тывыштары уругларга сонуурганчыг болган дээрзин жюри кежигүннери өөрүп, демдеглээн.
2-ги турнуң түңнелдери-биле мөөрейниң тергииннери болур дараазында 5 башкы илереп келген:
1) Ооржак Чодураа Станиславовна (Кызыл хоорай)
2) Монгуш Чимис Геннадьевна (Сүт-Хөл)
3) Ховалыг Чодураа Хулеровна (Каа-Хем)
4) Чоодунай Виктория Викторовна (Тожу)
5) Дапыян Оксана Олеговна (Бии-Хем)
Бо башкылар аразындан «Мастер-класс» деп сөөлгү мөөрей шылгалдазынга киришкен түңнелдери-биле тиилекчини тодараткаш, апрель 10-нуң хүнүнде 9 шакта Кызыл хоорайның Улусчу чогаадылга бажыңынга байырлыг байдалга шаңналдарны тыпсырын дыңнаттывыс.