Мөөрейниң кол сорулгалары – салым-чаяанныг башкыларны илередип, деткиири; төрээн дылдарны болгаш литератураны башкылаарының эң эки методикаларын нептередири, база ол ышкаш Россияның чоннарының дыл болгаш культурлуг хөй янзылыын кадагалап, сайзырадыры.
1-ги школаның өөреникчилери мөөрейниң ажыдыышкынында Россияның чоннарының демнежилгезиниң чылынга тураскааткан концерт номерлерин белеткеп көргүскен. Аңгы-аңгы омак-сөөктүг уругларның мөөрейжилерге боттарының төрээн дылдарынга байыр чедиргени онзагай чараш болганын киржикчилер магадап демдеглеп турганнар.
Бөгүн мөөрейниң муниципалдыг чадазының тиилекчилери жюри кежигүннерин боттарының арга-дуржулгазы, ажыглап турар методикалары болгаш ажылының түңнелдери-биле таныштырганнар.
Ук мөөрей чүгле регионнуң тергиин башкыларын илередир эвес, а оларның мергежииринге улуг идиг болур болгаш Тыва Республиканың өөредилге делгеминге төрээн дыл болгаш чогаал эртемнеринге ажыглап болгу дег таарымчалыг арга-методтарын нептередиринге улуг ужур-дузалыг
