Национал школа хөгжүдер институттуң ном парлап үндүрер болгаш полиграфия килдизиниң кол редактору Людмила Ооржак база улуг методизи Альбина Монгуш институттуң парлап үндүрген номнарын ук фестивальдың делгелгезинге дерип, Новосибирск хоорайдан келген аалчыларга болгаш сургуулдарга көргүзүп, сонуургадып, таныштырганнар.
Оон аңгыда институттуң филология лабораториязының эргелекчизи, ТР-ның Аныяк авторлар чөвүлелиниң даргазы Чойгана Монгуш биле институттуң ажылдакчызы, ТР-ның Чогаалчылар эвилелиниң даргазы Кежик Коңзай «Номчу, Тыва!» деп фестивальдың аныяк чогаалчылары болуп чалаттырып киришкеннер.
Ном фестивалы эртен база уламчылаар. Сонуургаан номнарыңарны делгелгеден садып ап болурун база дыңнадып тур бис.