Бөгүн бистиң Башкывыс, дагдыныкчывыс, коллегавыс, Национал школа хөгжүдер институттуң кол эртем ажылдакчызы, филология эртемнериниң доктору, Россияның тюркологтар комитединиң кежигүнү, РФ-тиң Өөредилге болгаш эртем яамызының федералдыг реестриниң эксперти, ТывКУ-нуң алдарлыг эртем ажылдакчызы, Моолдуң өөредилгезиниң алдарлыг ажылдакчызы, Мира Викторовна Бавуу-Сюрюн төрүттүнген хүнүн демдеглеп турар.
Өөредилге, кижизидилге айтырыгларының үндезини кижиниң төрээн дылындан, өскен-төрээн черинден, үндезин ажыл-агыйындан, культуразындан хамааржыр дээрзин бадыткап, бо-ла бүгүнү хөй-ниитиге тарадып чорууруңар дээш Силерге чоргаарланып, мөгейип чоруур бис.
Шилип алган мергежилиңерге бердингениңер, быжыг тура-сорууңар, эгээртинмес ажыл-ижиңерниң үре-түңнели амгы болгаш келир үениң салгалдарынга төрээн дылын, үндезин культуразын камгалап, хумагалап арттырып алырынга улуг идигни бербишаан, үлегер-чижек болуп турар.
Ал-бодуңарга быжыг кадыкшылды, аал-ораныңарга аас-кежикти, чымыштыг ажыл-ижиңерге чедиишкиннерни күзеп тур бис!
