Өзүп орар салгалдарны кижизидип, оларны эртем-билигге чедирип, тускай мергежилдиг кижилер кылдыр хевирлээри – башкыларның ыдыктыг хүлээлгези. Тыва Республиканың болгаш бүгү чурттуң чедиишкинниг келир үези өөредилге шугумунда ажылдап чоруур башкылардан дорт хамааржыр.
Шилип алган мергежилинге бердинип, төрээн черинге, төрел чонунга бараан болуп, ак сеткилдии-биле ажылдап чоруур башкылар бистиң республикада эвээш эвес. Оларның кылган үүле-херээ хилис барбас, үр-ле шагда элеп читпес алдар болуп артып калыр.
Хүндүлүг башкылар болгаш дагдыныкчылар! Башкылар хүнү таварыштыр силер бүгүдеге чылыг-чымчак байырны чедирбишаан, чымыштыг ажыл-ижиңерге чедиишкиннерни сеткиливис ханызындан күзеп тур бис!
