Бөгүн Национал школа хөгжүдер институдунуң ажылдакчылары база Элегес-Аксы сумузунуң «Салгал» уруглар сады «Уруглар садынга тыва дыл кичээлдеринге чугаа сайзырадыр чамдык арга- методтар» деп семинарны демнежип эрттирген. Ооң сорулгазы – школа назыны четпээн уруглар өөредир албан черлеринде тыва дыл кичээлдеринде ажыглаар аргаларны чыып тургузары болур. Оон аңгыда, семинарга көргүзүг материалдарын чөптүг ажыглаарының, чиңгине тыва оюннарны ойнап өөредириниң методикаларын сайгарып көрген.
Ук хемчегге «Төрээн Тывам» деп төрээн чугаа сайзырадыр чижек программа-биле Кызыл кожууннуң аңгы-аңгы сумуларында уруглар садтарында болгаш школаларында ажылдап турар башкылар ажылдарының түннелдерин таныштырган. Ниитизи-биле үжен беш кижи киришкен.
Национал школа хөгжүдер институдунуң тыва филология лабораториязының ажылдакчылары – Аянмаа Салчак «Уруглар садтарынга башкы кижи кандыг болур ужурлугул?”, Лариса Ооржак «Дылды сайзырадырының арга-методтары» база методист Альбина Монгуш «Бир дыл – бир кижидикчи башкы» деп принципти боттандырары» деп темаларга илеткелдерни кылган.
Ниити түңнели: бүгү талазы-биле сайзыраңгай чашты өстүрүп кижизидеринге төрээн дылын билири улуг салдарлыг.