Бөгүн “2025 чылдың тергиин төрээн дыл болгаш чогаал башкызы” деп мөөрейниң 2-ги хүнү эрткен.
Башкылар янзы-бүрү темаларга кичээлдерни бараалгаткан. Киржикчилер ажылынга интерактивтиг аргаларны ажыглап, боттарының тывынгыр болгаш чогаадыкчы чоруун көргүскен.
Мөөрейниң кол онзагайы – тыва дыл болгаш чогаал кичээлдери орус дылдыг уругларга орус дыл кырынга эртип турары. Өөреникчилер кичээлдерге улуг сонуургал-биле киржип, тыва дыл, чогаал болгаш тыва культура дугайында ажыктыг чүүлдерни билип алганнар.