«Тыва Республиканың күрүне дылдарының хөгжүлдези» деп күрүне программазының күүселдези-биле «Алдын-Кушкаш» чаштар сеткүүлүн бо хүннерде парлап үндүрген.
«Бөгүн ийи муң экземплярлыг сеткүүлдү типографиядан хүлээп алдывыс. Бүгү тиражты чаа өөредилге чылынга уткуштур республиканың уруглар садтарынга болгаш эге класстарынга немелде номчулгага ажыглаары-биле үлеп бээр бис» – деп, Өөредилге яамызының Национал школа хөгжүдер институдунуң директору Елена Куулар дыңнаткан.
Үндүрүлге чаштарга тааржыр өңгүр чуруктарлыг, ында орус, тыва дылдарда тоолчугаш, Ада-чурт камгалакчыларының чылынга тураскааткан солун материалдар кирип турар.