Апрель 20-де Национал школа хөгжүдер институттуң ажылдакчылары ажы-төлдүң тыва дылды билириниң деңнелин шинчилээр ажылды уламчылаары-биле Кызыл-Мажалыктың 1 дугаар школазынга, «Ѳлчей» аттыг лицейинге база «Сказка» уруглар садынга четкеннер.
Ол ышкаш Ак-Довурак хоорайның “Өлчей” аттыг лицейинге тыва дыл, чогаал, улусчу ужурлар башкыларынга, класс удуртукчуларынга база уруглар садтарының кижизидикчи башкыларынга республика чергелиг “Тургузукчу күш-ажыл болгаш өг-бүлениң ыдыктыг чүүлдери” деп методиктиг семинарны эрттирген.
Семинарга институттуң ажылдакчылары «Өг-бүлеге тоолдажыры болгаш төөгүлежири», «Маадырлыг тоолдарда кыс кижиниң овур-хевири», «Уругларны күш-ажылга кижизидери», «Өг-бүлениң архивин тургузары», «Губернатор төлевилели “Эртемни – чаштарга”. Ада-иелер-биле ажыл» деп солун темаларга илеткелдерни кылган. Дыңнадыг бүрүзү өг-бүле кижизидилгезиниң айтырыгларынче угланган.
Кожууннуң башкылары мындыг хевирлиг үнүүшкүннүг семинарның ажыктыын демдеглеп, четтиргенин илереткеннер.
https://vk.ru/wall-113735841_13510