УЛУСЧУ ДИКТАНТ

Эргим, өңнүктер!

2021 чылдың октябрь 21-де (муниципалдыг чада), октябрь 28-те (регионалдыг чада) «Национал школа хөгжүдер институт» тыва дылда улусчу диктант эрттирер.

Чон аразында чаңчыл апарган чараш мөөрейивис Тыва Республиканың баштыңының чарлаан айтыышкыны-биле «Тыва дыл хүнүнге» уткуштур төрээн тыва дылынга чугаалаары ону кайы хире билиринче угланган.

Бо чылын чуртта болуп турар эпидемиологтуг байдалдың чылдагааннары-биле ооң мурнунда чылдарда ышкаш диктантыны хөй чон аразынга бижиттирери болдунмазын сагындырып каалыңар. Ынчангаш диктантыны Тыва Республиканың албан черлериниң күзелдиг ажылдакчылары бижиир.

Диктантыны чорударынга хамаарыштыр организастыг айтырыгларны Национал школа хөгжүдер институттуң uluschudiktant@mail.ru деп электроннуг адрес-биле харылзажыр.
#ирнш #минобрнаукитыва #народныйдиктант #улусчудиктант