Алдар-аттың бедии ону алаактырбаан,
Арын-нүүрнүң арыг сүзүү ыдык болган.
Өөрүшкүлер,чедиишкиннер менээргетпээн,
Өгбелерниң мерген чагыы сорук болган.
Төрээн ава Тыва черин,Россияны,
Төрел көвей улустарны,тыва аймаан,
Делегейни шыва чурттаан хөй-ле чоннуң
Демниг боорун сактып,бодаан күзели ол.
“Сөөктү хемдээш – хемирткиге чедер” дижир,
Сөглээн соонда, кылган ижи эгээрттинмес,
Ада,ие чоргааралы чурттажывыс –
Аал-чуртта үлегерлиг Маадырывыс.
“Арзылаңны арга-биле” тудуп чоруур,
Адыш оюу Тыва чуртун алдаржыткан,
Черивистиң,чуртувустуң түрлүг оглу –
Сергей Шойгу Маадырга алдар!Мактал!
Туткан холу сирлеш дивес,быжыг болзун!!!
Турган боду сергек-омак,чараш чорзун!!!
Автор: Лидия Ооржак