Хүндүлүг башкылар!
Школаңарның сайтызында тыва дыл, төрээн чогаал эртемнеринге календарь-тематиктиг планнаашкынны эртирер хүнү, темазы, ссылказы-биле берген турар ужурлуг. Ук кичээлдерниң ссылказынга Национал школа хөгжүдер институттуң irnsh.ru деп сайтызын айтыр. Ук сайтыже кирерде дараазында базымны кылыр.irnsh.ru– Главная – Дистанционное обучение — «Тыва дыл», Төрээн чогаал».
Ында класс аайы-биле кичээлдерниң презентацияларын берген. Кичээлдиң презентациязында колонкалыг арын таваржы берзе, ол өөреникчини үн бижидилгезин дыңнаарынче чалап турары болур.
Кичээлдиң презентациязында билигни хынаары-биле тест хевири база таваржы берип болур. Ында айыткан ссылкаже базыптарыңарга тестиниң айтырыглары көстүп кээр.
Айтырыгны шын харыылаары-биле өөреникчи бердинген чижек үш харыыдан чаңгызын шилип базар. Тестини өөреникчиниң кандыг деңнелге күүсеткени компьютерниң арнынга ол-ла дораан демдек-биле үнелээни көстүп кээр.
Күүсеткен хыналданың демдээн болгаш айыткан онаалганы өөреникчи силерниң школаның сайтызында айыткан эл.почтаңарже чортур. Ук ажылды чедиишкинниг кылыры школаңарның информатика башкызы болгаш класс башкызы-биле кады ажылдажылгаңардан тодараттынып кээр.
Чедиишкиннерни күзедивис.